Proace City

Proace City er nettur og hentar þessvegna vel í borginni. Aðgengi að farmi bílsins er auðvelt í gegnum afturdyr eða á dyrum sem staðsettar eru hliðum bílsins. Stutt hjólhaf skilar allt að 3,1 m hleðslulengd og allt að 3,7 m3 hleðslurými. Með löngu hjólhafi hækka þessi gildi upp í allt að 3,4 m hleðslulengd og allt að 4,3 m3 hleðslurými.

Proace City býður upp á þann sveigjanleika sem fyrirtæki í rekstri þurfa og ýmsar útfærslur í innanrýminu henta ólíkum atvinnugreinum. Smart Cargo-kerfið skilar aukinni hleðslulengd og burðargetu með snjöllum hlera í skilrúminu sem hægt er að nota til að flytja lengri farm.Með því að leggja niður miðjusætið í framrými verður til þægilegt vinnusvæði sem hentar vel fyrir fartölvur og spjaldtölvur, auk þess sem hægt er að geyma mikilvæga hluti í geymsluhólfum undir sætum. Hægt er að velja um tvö eða þrjú framsæti.

Proace City býður upp á mismunandi úrval innanrýmis. Hleðslulengdin og ríflegt hleðslurýmið er best í flokki sambærilegra bíla. Ljós- og hljóðviðvaranir gera notendum sendibifreiðarinnar viðvart þegar hámarksþyngd hleðslu er náð eða farið er yfir  hana, sem tryggir öryggi ökumannsins og löglega notkun.