Toyota Plug-in Hybrid

Vélin og rafmótor í Hybrid bílum vinna saman í háþróaðri og samþættri aflrás. Rafmótorinn er ýmist notaður til að auka afköst eða aka án aðkomu vélarinnar en hann virkar sömuleiðis sem rafall sem tekur þátt í varðveislu á orku með hleðsluhemlun eða að breyta umframorku í rafhleðslu og dregur þannig úr eldsneytisnotkun. Hybrid bílar Toyota hlaða drifrafhlöðurnar sínar sjálfir t.d. með hleðsluhemlun og þeir eru því ekki hlaðnir með því að stinga þeim í samband. Það er auðvelt að fylla á Hybrid bíl. Þú fyllir á Toyota Hybrid bílinn þinn með bensíni á bensínstöð, rétt eins og á hefðbundinn bensín bíl.

Líkt og Hybrid bílar skipta Plug-in Hybrid bílar á milli tveggja aflgjafa, bensínvélar og rafmótors. Drifrafhlaðan í Plug-in Hybrid bíl er þó stærri og hana er hægt að hlaða með því að stinga bíl í samband.  Það gefur möguleika á hreinum rafknúnum akstri í lengri tíma án aðkomu vélarinnar og skilar mun minni útblæstri og eldsneytisnotkun sé drifrafhlaðan hlaðinn reglulega. Þegar hleðsla drifrafhlöðunnar klárast fer bíllinn að virka eins og hefðbundinn Toyota Hybrid bíll með bensínvél sem getur verið hentugt í langferðum. Það er auðvelt að fylla á Plug-in Hybrid bílinn. Fylltu á með bensíni á bensínstöð eins og venjulega til að nota bensínvélina í lengri ferðum og til að hlaða drifrafhlöðuna vandræðalaust getur þú sett upp heimahleðslustöð eða notast við almennar hleðslustöðvar sem  víða er að finna þegar þú ert á ferðinni. Plug-In Hybrid bíla Toyota er ekki hægt að hraðhlaða í hraðhleðslustöð(DC) en víða eru venjulegar hleðslustöðvar (AC) í boði samhliða þeim.

Sumir Plug-in Hybrid bílar frá Toyota geta ekið á rafmagni eingöngu í allt að 75 km. Ef hleðsla rafhlöðunnar verður lítil meðan á lengri akstri stendur skiptir bíllinn snurðulaust aftur yfir í að vera eins og Hybrid bíll sem sameinar bensín og endurheimta rafhlöðuhleðslu til að koma þér á áfangastað.

Hægt er að hlaða Plug-in Hybrid bíl á nokkra vegu. Auðvelt er að tengja hann í aflgjafa á heimilinu og það skilar sér í hleðslu yfir nótt sem er þægileg og í mörgum tilfellum afar hagkvæm. Mesti hleðsluhraðinn næst með því að nota bæði sérstaka snúru og heimahleðslustöð en þannig næst full hleðsla á örfáum klukkutímum.

Plug-in Hybrid bílar geta sparað þér peninga á margan hátt. Regluleg hleðsla dregur verulega úr eldsneytisnotkuninni. Lítil losun koltvísýrings hefur oft í för með sér afslætti af sköttum og vegsköttum fyrir fyrirtækisbíla. Og vegna minna slits á íhlutum eins og hemlaklossum og diskum getur viðhald á Plug-in Hybrid bílum verið ódýrara.

Rafhlöður Plug-in Hybrid bíla frá Toyota eru hannaðar til að endast jafnlengi og bíllinn. Til að auka hugarró fylgir hverri rafhlöðu fimm ára / 100.000 km* ábyrgð sem hægt er að framlengja í allt að 10 ár með árlegri Hybrid prófun. Að loknum endingartíma rafhlöðunnar tryggir endurheimtaráætlun Toyota að rafhlöðunni sé fargað á öruggan og ábyrgan hátt.
   

 *Hvort sem fyrr kemur