Rafvæðing Toyota

EV stendur fyrir Electric Vehicle, eða rafbíl. Stundum er líka talað um BEV, sem stendur fyrir Battery Electric Vehicle, bíl sem eingöngu er knúinn af rafhlöðu. Í báðum tilvikum notar bíllinn rafmótor í stað brunahreyfils og rafhlöðu í stað eldsneytisgeymis. Rafbílar eru endurhlaðnir í stað þess að eldsneyti sé sett á þá. Þeir eru einstaklega liprir og hljóðlátir og skila einnig kraftmikilli hröðun og ferskri og skemmtilegri akstursupplifun.  

Rafbíll gengur eingöngu fyrir rafhlöðu. Hybrid-bílar eru með skilvirka bensínvél og rafknúna aflrás sem samanstendur af sjálfhlaðandi rafhlöðu og rafmótor. Hybrid-bílar skipta hnökralaust á milli bensín- og raforku eftir því sem þörf krefur. 

Líkt og Hybrid bílar skipta Plug-in Hybrid-bílar á milli tveggja aflgjafa, bensínvélar og rafmótors sem knúinn er með rafhlöðu. Rafhlaðan í Plug-in Hybrid-bíl er þó stærri, sem gefur meiri möguleika á rafknúnum akstri, aukin afköst og skilar minni útblæstri og eldsneytisnotkun með reglulegri hleðslu.  

Venjulegur rafbíll gengur fyrir rafhlöðu sem þarf að endurhlaða þegar langt er gengið á hleðsluna. Vetnisknúnir bílar með efnarafali framleiða eigið rafmagn með efnarafalsstæðu bílsins.