Tölurnar sýna hæstu eða lægstu gildi sem eiga við þær vélar sem eru í boði en eiga ekki endilega við eina ákveðna útfærslu. Eyðslutölur eiga við blandaðan akstur.
Velja útfærslu
Corolla Touring Sports Live
Station 5 dyra
Corolla Touring Sports Active
Station 5 dyra
Corolla Touring Sports Active Plus
Station 5 dyra
Corolla Touring Sports GR SPORT
Station 5 dyra
Corolla Touring Sports Premium
Station 5 dyra
Ný Corolla er framleidd á grunni nýs heildræns byggingarlags Toyota, TNGA. Niðurstaðan er lægri þyngdarmiðja og stífari grind sem skilar sér í kraftmeiri aksturseiginleikum og meiri tilfinningu fyrir stjórn. Endurbætt fjöðrun tryggir mýkri, hljóðlátari og þægilegri akstur.
Ef þér finnst nýja Corollan falleg að utan áttu ekki eftir að verða fyrir vonbrigðum þegar þú sest inn í hana. Hönnuðir okkar hafa valið blöndu af hágæðaefnum sem fara einstaklega vel saman og bjóða auk þess upp á fjölbreytta áferð. Svartur litur gefur innanrýminu sportlegt yfirbragð en einnig er hægt að velja ljósgráan lit til að undirstrika hönnunina.
Toyota Corolla er nú með 10,5" margmiðlunarskjá sem hefur einfalt og þæginlegt viðmót sem er auðvelt í notkun sem auðveldar ökumanninum að hafa augun á veginum. Svo er 12,3" skjár í mælaborði sem hægt er að setja upp eftir smekk hver og eins.
Árekstrarviðvörunarkerfi Toyota Safety Sense notar myndavél og leysigeisla eða myndavél ásamt radar til að greina aðra bíla á veginum fram undan. Ökumaðurinn er varaður við hættu á árekstri með hljóðmerkjum og sjónrænum viðvörunum og hemlunaraðstoð er virkjuð. Takist ökumanninum ekki að hemla í tæka tíð er hemlað sjálfkrafa til að forða árekstri eða draga úr höggi.
Ef engar akstursskipanir berast frá ökumanni í tiltekinn tíma er ökumanninum gefin hljóðviðvörun. Ef hún skilar engum viðbrögðum hægir bíllinn sjálfkrafa á sér og stöðvar svo án þess að aka út úr akreininni sem hann er á. Kveikt er á hættuljósunum til að vara aðra vegfarendur við og dyrnar eru opnaðar til að tryggja neyðarþjónustuaðilum greiðan aðgang, gerist þess þörf.
Þetta kerfi heldur þér í tiltekinni lágmarksfjarlægð frá næsta bíl fyrir framan. Þegar of stutt er í næsta ökutæki dregur kerfið úr hraðanum og beitir loks hemlunum og hemlaljósin kvikna. Sjálfvirkur hraðastillir yfir allt sviðið getur stöðvað bílinn að fullu ef ökutækið á undan stöðvar og ekið honum aftur af stað við smávægilega hreyfingu inngjafarfótstigsins eða þegar ýtt er á rofann fyrir sjálfvirka hraðastillinn. Ef þú átt bíl sem er búinn umferðarskiltaaðstoð greinir kerfið einnig hraðatakmarkanir á akstursleiðinni og birtir ráðleggingar um hvað gera skuli.
Blindsvæðisskynjarinn gerir ökumanninum viðvart um bíla sem viðkomandi hefur hugsanlega ekki séð í hliðarspeglunum. Þetta er sérstaklega gagnlegt þegar tekið er fram úr.
Toyota Teammate-bílastæðakerfið hjálpar þér að leggja bílnum. Kerfið stjórnar hröðun, stýri, bremsum og gírskiptingu*. Kerfið er einnig búið minni fyrir mikið notuð bílastæði sem ekki eru aðgreind með línum eða aðliggjandi hlutum sem gerir þér enn auðveldara að leggja bæði heima við og í vinnunni.
Þetta kerfi varar ökumanninn við ef farþegar eða hlutir eru skildir eftir í aftursætinu. Viðvörunin felst í viðvörun á stafræna mælaborðinu og hættuljósi og hljóðmerki þegar bílnum er læst utan frá, en þetta tvennt síðarnefnda ræðst þó af því af hvaða gerð bíllinn er.
Kerfið notar ratsjá blindsvæðisskynjarans til að hjálpa ökumanninum að komast hjá því að aðvífandi bíll eða hjólreiðafólk klessi á hurð sem verið er að opna eða farþega sem er að stíga út úr bílnum. Ef kerfið greinir hættu á árekstri kviknar á stefnuljósi á hliðarspeglinum og vísi á fjölnota upplýsingaskjánum um leið og hljóðmerki heyrist til að vara farþegana við.
