Hugarró - fyrir alla í umferðinni.

Snjallar tæknilausnir sem auka öryggi allra - innan og utan bílsins.

/
/
/
/
Árekstrarviðvörunarkerfi með greiningu gangandi vegfarenda (í myrkri)

Í lítilli birtu notar árekstrarviðvörunarkerfi Toyota Safety Sense með greiningu gangandi vegfarenda bæði myndavél og ratsjártækni til að greina aðra bíla og gangandi vegfarendur sem verða á vegi bílsins. Ef árekstur er óumflýjanlegur er ökumaðurinn varaður við með hljóðmerkjum og sjónrænum viðvörunum. Ef ökumanninum tekst ekki að bregðast við í tæka tíð eru hemlarnir virkjaðir sjálfkrafa til að forða árekstri eða draga úr höggi. Jafnvel þótt ökumaðurinn bregðist við er viðbótarhemlunarþrýstingi beitt. Auk greiningar gangandi vegfarenda og bíla að kvöldlagi getur kerfið greint hjólandi og gangandi vegfarendur sem verða á vegi bílsins í dagsbirtu.

Árekstrarviðvörunarkerfi með greiningu hjólreiðafólks

Árekstrarviðvörunarkerfi Toyota Safety Sense með greiningu hjólreiðafólks notar bæði myndavél og ratsjártækni til að greina hjólandi vegfarendur og aðra bíla á veginum fram undan. Þegar hætta er á árekstri er ökumaðurinn varaður við með hljóðmerkjum og sjónrænum viðvörunum. Ef ökumaðurinn bregst ekki við eru hemlarnir virkjaðir sjálfkrafa. Þótt ökumaðurinn beiti hemlunum eykur kerfið hemlunarþrýstinginn til að koma í veg fyrir eða draga úr árekstri. Auk greiningar hjólreiðafólks og bíla getur kerfið greint gangandi vegfarendur sem verða á vegi bílsins.

Sjálfvirkur hraðastillir

Hugvitssamlegur sjálfvirkur hraðastillir Toyota Safety Sense heldur bílnum á stöðugum forstilltum hraða og heldur lágmarksfjarlægð frá næsta bíl fyrir framan. Þegar of stutt er í næsta bíl dregur kerfið sjálfkrafa úr hraðanum og beitir hemlunum ef þörf krefur. Þegar dregur í sundur með bílunum eykur bíllinn hraðann smám saman upp að völdum aksturshraða. Ef hámarkshraðinn breytist greinir kerfið breytinguna gegnum umferðarskiltaaðstoð og varar ökumanninn við til að hann geti minnkað forstilltan aksturshraða með stjórnhnappi á stýrinu.

Sjálfvirkur hraðastillir (Full-range)

Með hugvitssamlegum sjálfvirkum hraðastilli Toyota Safety Sense yfir allt hraðasviðið getur bíllinn haldið stöðugum hraða án þess að nota þurfi eldsneytisgjöfina, auk þess að halda forstilltri lágmarksfjarlægð frá næsta bíl fyrir framan. Þegar of stutt er í næsta bíl dregur kerfið úr hraðanum til að viðhalda fjarlægðinni að honum, beitir hemlunum og stöðvar bílinn ef þörf krefur. Ef fjarlægðin eykst fer bíllinn aftur af stað og eykur hraðann og/eða hægir á sér eftir þörfum þangað til umferðin býður upp á að forstilltur aksturshraði sé aftur notaður. Athugaðu að þessi aðgerð er aðeins í boði í bílum með sjálfskiptingu.

/
/
/
/
Akreinastýring

Akreinastýringarkerfið notar akreinaskynjara og millimetrabylgjuratsjá til að áætla stöðu bílsins á veginum út frá annaðhvort akreinamerkingum á veginum fram undan eða akstursleið bílsins fyrir framan. Ef bíllinn byrjar óvart að reika frá miðju akreinarinnar er stýrisaðstoð beitt til að leiðrétta stefnuna. Athugaðu að aðeins er hægt að nota kerfið þegar bæði er kveikt á LDA-akreinaskynjara og sjálfvirkum hraðastilli yfir allt hraðasviðið.

Sjálfvirkt háljósakerfi

Sjálfvirkt háljósakerfi Toyota Safety Sense er hannað með það fyrir augum að bæta skyggni allra vegfarenda þegar ekið er í myrkri. Myndavél greinir ljós frá ökutækjum sem eru fram undan og fyrir framan og fylgist einnig með birtustigi veglýsingar. Kerfið skiptir sjálfkrafa milli háljósa og lágljósa, sem eykur öryggi þegar ekið er í myrkri.

LDA – akreinaskynjari með akreinastýringu

LDA-akreinaskynjari Toyota Safety Sense notar myndavél til að greina akreinamerkingar á veginum fram undan og varar ökumanninn við með hljóðrænni og sjónrænni viðvörun ef bíllinn stefnir út af akreininni án þess að stefnuljós hafi verið gefið. Stýriseftirlitið snýr stýrinu sjálfkrafa ef ekið er óviljandi af akrein.

Umferðarskiltaaðstoð

Umferðarskiltaaðstoðin í Toyota Safety Sense fylgist með umferðarskiltum fram undan og birtir gagnlegar upplýsingar, svo sem um gildandi hámarkshraða eða takmarkanir á framúrakstri, með skýrum hætti á nýja TFT-litaskjánum. Kerfið varar einnig við bæði með hljóðmerki og sýnilegum viðvörunum ef ekki er farið eftir umferðarskiltunum.

Köku stillingar

Við notum kökur á vefsíðunni okkar til að þjóna þér betur og til að upplifun þín sé sem best.  Ef þú vilt kynna þér frekar köku stillingarnar þá getur þú gert það hér - skoða stillingar.