Helstu upplýsingar um AdBlue™

Hvað er AdBlue™?

Dísilvélar þurfa nú að uppfylla stranga NOx-staðla til að hjálpa til við takmörkun loftmengunar. Æskilegasta aðferðin er að sprauta mjög hreinum vökva sem kallast dísilútblástursvökvi (AdBlue™) inn í útblásturskerfi ökutækja.

AdBlue™ virkar hnökralaust án þess að hafa nokkur áhrif á afköst vélarinnar - akstursupplifunin þín mun vera nákvæmlega jafn góð og áður.

Hvað gerir AdBlue™?

Þegar ökutæki notar AdBlue™ er köfnunarefnisoxíði sem dísilvélin framleiðir breytt í köfnunarefni og gufu. Þetta dregur verulega úr losun skaðlegs köfnunarefnisoxíðs, sem er stór orsakavaldur mengunar í andrúmslofti.
AdBlue™ er hannað til að draga úr losun á köfnunarefnisoxíði og með því hjálpa til við að vernda umhverfið.

Er AdBlue™ skaðlegt?

AdBlue™ er skaðlaust efni og mjög einfalt í notkun. Það er hvorki eldsneyti né bætiefni fyrir eldsneyti heldur einföld en árangursrík karbamíðslausn. Efnið skal aðeins setja í þar til gerðan geymi á ökutækinu og fylla skal á hann þegar þörf krefur. Nauðsynlegt er að fylla á geyminn áður en hann tæmist því án þess gengur ökutækið ekki.

Mikilvæg viðvörunarskilaboð

Ástand	Texti á upplýsingaskjá	Viðvörunarljós	Áfylling af AdBlue™
1. LÍTIÐ AF AdBlue™ (Tilkynning)	AdBlue LEVEL LOW FILL UP AdBlue in 2400km SEE OWNER'S MANUAL
2. LÍTIÐ AF AdBlue™ (Viðvörun)	AdBlue LEVEL LOW NO START IN 800km! FILL UP AdBlue SEE OWNER'S MANUAL
3. AdBlue™ TÓMT (Ekki hægt að endurræsa vél)	AdBlue EMPTY UNABLE TO RESTART ENGINE FILL UP AdBlue SEE OWNER'S MANUAL

1. Láttu viðurkenndan söluaðila, verkstæði Toyota eða annan fagaðila fylla á AdBlue™
2. Þegar AdBlue™ viðvörunarljósið sýnir stöðuna LOW þarf ökumaður að bæta við 1 flösku af AdBlue™ og láta fylla á það hjá viðurkenndu verkstæði.
3. Þegar AdBlue™ viðvörunarljósið sýnir stöðuna EMPTY þarf ökumaður að bæta við 2 flöskum af AdBlue™ til að gangsetja vélina og láta fylla á það hjá viðurkenndu verkstæði.

Hvernig er fyllt á AdBlue™?

Þú getur sjálf(ur) fyllt á AdBlue™, en við mælum með að þú leitir aðstoðar hjá viðurkenndum sölu- eða þjónustuaðila Toyota.

Skref 1

1. Tryggðu að ökutækið sé á sléttu undirlagi, dreptu á vélinni og opnaðu síðan vélarhlífina.

Skref 2

2. Opnaðu lokið á AdBlue™ geyminum.

Skref 3

3. Stingdu inn flösku af AdBlue™ og hertu hana að fullu.

Skref 4

4. Ýttu á botn flöskunnar. Áfylling á AdBlue™ hefst. Fylltu hægt á AdBlue™ svo að ekki hellist niður. Fjarlægðu ekki flöskuna fyrr en hún er orðin tóm.

Skref 5

5. Gakktu úr skugga um að ekkert AdBlue™ sé eftir í flöskunni og fjarlægðu hana síðan. Þegar staða AdBlue™ er tóm skaltu endurtaka skref 3-5 þar til um það bil 3,8 lítrum eða meira af AdBlue™ hefur verið bætt við.

Skref 6

6. Lokaðu lokinu á AdBlue™ geyminum. Snúðu lokinu þangað til þú heyrir smell og athugaðu hvort vélin fari í gang – þetta getur tekið fáeinum sekúndum lengur en venjulega.

(sjá myndskýringar í bækling)

Eftirfarandi skal hafa í huga þegar fyllt er á AdBlue™*

Ekki nota aðra karbamíðslausn en AdBlue™.
Ef AdBlue™ er bætt við hraðar en sem nemur 3 lítrum á mínútu getur AdBlue™ flætt upp úr áfyllingaropinu.
Ekki nota áfyllingarbúnað sem er í boði á bensínstöðvum eða annars staðar þar sem búnaðurinn mun bæta við meira en 3 lítrum af AdBlue™ á mínútu.
Ef AdBlue™ kemst í snertingu við yfirborð ökutækisins skal þvo viðkomandi svæði umsvifalaust með vatni.
Ef AdBlue™ hellist niður inni í vélarrými skal þurrka það strax með blautum klút.

*Sé það ekki gert gæti það valdið skemmdum á hlutum ökutækisins, lakki o.s.frv

Mikilvægt við geymslu á AdBlue™

Eftirfarandi er mikilvægt að hafa í huga við geymslu á AdBlue™*

Skildu ekki AdBlue™ eftir inni í ökutækinu.
Lokaðu ílátum með AdBlue™ vel og geymdu þau á köldum, þurrum stað með góðri loftræstingu þar sem sól skín ekki beint á þau.

*Sé það ekki gert gæti það valdið skemmdum á hlutum ökutækisins, lakki o.s.frv. og breytingar á efnablöndu AdBlue™ geta valdið vondri lykt.