Ný nálgun á innanbæjarakstur

Frábærir eiginleikar í handhægri stærð. Aygo X er nettur og afgerandi með kraftmikið yfirbragð. Bíllinn storkar gildandi viðmiðum, með sjálfsöryggi og yfirbragði sportjeppa með hárri ökumannsstöðu í bland við einstaka eiginleika og lipurð netts borgarbíls. Hækkuð sætisstaða og mjög stór framrúða veitir þér betra útsýni en nokkru sinni fyrr. Stiglausa sjálfskiptingin gerir innanbæjaraksturinn viðbragðsfljótan, mjúkan og skemmtilegan, á meðan nett yfirbygging, myndavélar og skynjarar gera þér leikandi létt að leggja í þröng stæði.

Nú getur þú setið hátt og upplifað sjálfsöryggi við stjórnvölinn í iðandi innanbæjarumferðinni. Svona innanbæjarakstur hefur þú aldrei upplifað áður.

Flottasti borgarbíllinn í bænum

Að innan er Aygo X rúmgóður og þægilegur, með fjölda hönnunarþátta sem gera samskipti ökumanns og farþega þægilegri og auðveldari. Þú upplifir notalega tilfinningu sem er undirstrikuð með skynrænum þáttum sem bera af í flokki sambærilegra bíla. Hvarvetna er að finna hugvitssamlega hönnun, allt frá látlausum sætissaumum yfir í geymslulausnir sem eru hannaðar til að uppfylla þarfir farþeganna.

Í fullkomnum samhljómi

 

Aygo X er annað og meira en borgarbíll. Bíllinn er birtingarmynd lífsstíls þar sem þú ert í virkum tengslum við umhverfið. Öll stjórntæki eru þægileg í notkun, tengingarnar eru snurðulausar og ótal eiginleikar Aygo X gera hann að þínum eigin snjallsíma á hjólum. Með Toyota Smart Connect færðu hnökralausa, þráðlausa tengingu milli símans og margmiðlunarkerfisins. Veldu þína eftirlætistónlist af spilunarlistunum þínum og hlustaðu í einstökum hljómgæðum JBL-hljóðkerfisins. Á 9” háskerpuskjá færðu allt sem þú þarft. Aygo X er alltaf til þjónustu reiðubúinn, hvort sem þú vilt lesa inn skilaboð, kæla farþegarýmið með fjarstýringu eða læsa eða taka hurðir úr lás í MyT-appinu í snjallsímanum.

Kryddaðu tilveruna!

Toyota Aygo X fæst í fjórum litasamsetningum og þú getur sniðið útlitið að þínum smekk. Við eigum litatóninn sem hentar þinni skapgerð, hvort sem það er fjörugur og funheitur chillirauður, ævintýralegur kardimommugrænn, frumlegur og spennandi berjablár eða fágaður engiferdrapplitaður. Þessir kryddtónar kallast á við litaspjaldið í innanrýminu og skapa einstakt og glæsilegt yfirbragð. Veldu liti sem lýsa þér best.

Upplifðu Toyota Aygo X

Notaðu forrit okkar fyrir aukinn raunveruleika til að upplifa Aygo X. Sæktu forritið og notaðu aukinn raunveruleika til að skoða bílinn frá öllum sjónarhornum í innkeyrslunni, í bílskúrnum eða jafnvel inni í stofunni þinni. Þú getur smellt á tenglana hér að neðan til að fara í App Store eða Google Play og sækja forritið.