Ábyrgð á Toyota- og Lexusbifreiðum

Fimm ára ábyrgð (3+2) er á öllum nýjum Toyota og Lexus bifreiðum – viðskiptavinum að kostnaðarlausu. Toyota hefur verið þeirrar gæfu aðnjótandi, allt frá stofnun fyrirtækisins, að búa að langtímasambandi við viðskiptavini sína og er fimm ára ábyrgðin mikilvægur þáttur í að styrkja frekar þau bönd sem til staðar eru og á sama tíma gera kaup á nýjum Toyota og Lexus bifreiðum enn skynsamari kost en ella.

Skilmálar

1. Alhliða ábyrgð
Ábyrgðin (3+2) nær til hvers konar agnúa sem rekja má til galla í framleiðslu eða við samsetningu við eðlilega notkun í 5 ár eða 160.000 km, hvort sem fyrr verður, en engin takmörk eru á kílómetrafjölda á fyrsta ári. Undantekning frá þessu eru íhlutir hybrid kerfisins sem eru í ábyrgð í 5 ár eða 100.000 km. Ábyrgðin nær til þess að koma ökutækinu til næsta umboðsmanns Toyota ef bilun verður, sem veldur því að bíllinn verður óökufær, svo fremi bilunin stafi af galla sem ábyrgðin nær til.

2. Ryð á yfirborði og málning
Ábyrgðin nær til ryðs á yfirborði og galla í málningu, sem koma fram á máluðum hlutum yfirbyggingar og stafa af efnisgalla, eða slælegum vinnubrögðum, í 3 ár hversu mikið sem bíllinn hefur verið ekinn. Undantekning frá þessu er þó pallur pallbíla sem er í ábyrgð í 1 ár.

3. Gegnumryð
Ábyrgðin gildir í 12 ár, hversu mikið sem bíllinn hefur verið ekinn, og nær til gegnumryðs á yfirbyggingu (þ.e. hvers konar gata á yfirbyggingu sem myndast hafa innan frá) sem rekja má til efnisgalla eða slælegra vinnubragða. Undantekning frá þessu er að Dyna 100/150, Hilux og Proace eru í 6 ára gegnumryðsábyrgð. Pallur pallbíla er í ábyrgð í 3 ár. „Yfirbygging“ er skilgreind sem hvers konar upprunalegur hluti yfirbyggingar frá Toyota úr plötustáli, þ.m.t. vélarhlíf, hurðir og lok á farangursgeymslu. Aðrir hlutar sem tengjast yfirbyggingunni eins og listar, stuðarar og lamir falla ekki undir 12 ára gegnumryðsábyrgð.

Almenn ábyrgðarákvæði Toyota/Lexus

Hver veitir ábyrgðina?
TOYOTA ábyrgist að ökutækið hafi verið framleitt samkvæmt ströngustu gæðakröfum Toyota og skoðað nákvæmlega fyrir afhendingu.

Til hvaða landa nær ábyrgðin a bílnum mínum?
Ábyrgð Toyota, eins og hún er skilgreind í þessu yfirliti, gildir í eftirtöldum ríkjum: Andorra, Austurríki, Belgíu, Bosníu og Hersegovíu, Búlgaríu, Króatíu, Kýpur, Tékklandi, Danmörku, Eistlandi, Finnlandi, Frakklandi, Þýskalandi, Gíbraltar, Grikklandi, Ungverjalandi, Íslandi, Írlandi, Ítalíu, Liectenstein, Litháen, Lúxemborg, Möltu, Noregi, Póllandi, Portúgal, Rúmeníu, Serbíu og Svartfjallaland, Slóvakíu, Slóveníu, Spáni, Svíþjóð, Sviss, Makedóníu, Hollandi og Stóra-Bretlandi.

Ef þú hyggst ferðast með bílinn til annarra landa en þeirra sem tilgreind eru hér að ofan mælum við með því að þú fáir nánari upplýsingar hjá næsta viðurkennda þjónustuaðila Toyota, sjá www.toyota.is.

Hvenær hefst ábyrgðartíminn?
Ábyrgðartíminn hefst á nýskráningardegi ökutækisins.

Þarf ég að greiða fyrir viðgerðir á bílnum mínum sem fara fram a ábyrgðartímanum?
Nei. Viðurkenndur þjónustuaðili Toyota framkvæmir hvers konar viðgerðir sem ábyrgðin nær til án þess að þú verðir að greiða fyrir vinnu eða varahluti. Toyota ákveður hvort gert verði við hluti eða skipt um þá.

Er ég bíllaus á meðan á ábyrgðarviðgerð stendur
Nei – Toyota á Íslandi lánar þér bíl á meðan á ábyrgðarviðgerð stendur fyrstu 5 árin frá nýskráningardegi bílsins, sé hann fluttur inn af Toyota á Íslandi og svo fremi sem bilunin stafi af galla sem ábyrgðin nær til. Slík bílalán ná ekki til innkallana á vegum Toyota Motor Europe.

Ábyrgðarskilmálarnir
Ökutækinu skal viðhaldið samkvæmt vörulýsingu og leiðbeiningum framleiðandans, sem fram kemur í eigandahandbókinni sem er að finna á my.toyota.eu. Sé það ekki gert getur það valdið ógildingu ábyrgðar varðandi hluti sem þarfnast viðhalds. Mælst er til að viðurkenndur þjónustuaðili Toyota annist reglubundið viðhald ökutækisins.

Eigandi/umráðamaður ber ábyrgð á því að halda nauðsynlegar skrár til að sanna að slíkt viðhald hafi farið fram. Ef fram koma gallar, sem ábyrgðin nær til, er skylt að fara með ökutækið til viðurkennds þjónustuaðila Toyota svo skjótt sem auðið er. Það skal gert til þess að koma í veg fyrir aukna galla eða skemmdir og ökutækið þarfnist víðtækari viðgerðar en upphaflega hefði verið þörf fyrir.

Nær ábyrgðin til hjólbarða?
Sérstök ábyrgð hjólbarðaframleiðandans gildir um hjólbarðana. Leitaðu upplýsinga hjá viðurkenndum þjónustuaðila Toyota.

Hvað gerist ef ég sel bílinn minn?
Toyota-ábyrgðin flyst sjálfkrafa yfir á nýja eigendur þeim að kostnaðarlausu.

Hefur ábyrgðin áhrif á lagalegan rétt minn?
Nei. Ábyrgð Toyota rýrir aldrei rétt þinn sem tryggður er með lögum.

Til hvaða hluta nær ábyrgðin ekki?
Við veitum þér víðtæka ábyrgð sem endurspeglar gæði Toyota. Ábyrgð Toyota er ætlað að ná til hvers konar agnúa sem rekja má til galla í framleiðslu eða samsetningu.

Atriði sem ábyrgðin nær ekki til:

Eðlilegt slit
- Skrölt, hljóð, slit og rýrnun, svo sem aflitun, upplitun eða aflögun.

Á 4. og 5. ári
- Ekki er ábyrgð t.d. á höggdeyfum, soggrein, pústgreinum, útblásturskerfi, kúplingu, innréttingu, yfirborðsryði, málningu o.s.frv. Sjá nánar skilmála á 4. og 5. ári sem fylgja ökutækinu.

Viðhaldskostnaður
- Eðlilegur viðhaldskostnaður, svo sem vélarstilling, skipting á vökvum og síum, smurning, þrif og bónun, endurnýjun kerta og öryggja, og skipti á slitnum þurrkublöðum, hemlaklossum, hemlaborðum og kúplingu og ryð sem rekja má til utanaðkomandi ákomu s.s. vegna steinkasts.

Ökutæki þar sem stöðu vegmælis hefur verið breytt
- Gallar í ökutækjum þar sem stöðu vegmælis hefur verið breytt þannig að ekki er auðvelt að ganga úr skugga um hve mikið því hefur verið ekið.

Ökutæki sem hefur verið bjargað eða talið ónýtt
- Ökutæki sem fjármálastofnun eða vátryggjandi hefur lýst yfir að hafi verið „bjargað“ eða eitthvað slíkt eða sé „algerlega ónýtt“ eða viðlíka.

Tilfallandi tjón
- Tilfallandi eða afleitt tjón í tengslum við bilun ökutækis, þ.m.t., en takmarkast þó ekki við, óþægindi, ferða- eða flutningskostnaður, símtöl og gisting, tap á persónulegum eigum eða öðrum verðmætum og tekjutap.

Tjón eða bilanir sem stafa beint eða óbeint af einhverjum af eftirtöldum utanaðkomandi atburðum:

1. Eldsvoði, slys eða þjófnaður.
2. Ill meðferð eða vanræksla. 
3. Misnotkun, t.d. kappakstur eða ofhleðsla. 
4. Viðgerðir hjá öðrum en viðurkenndum þjónustuaðilum Toyota.
5. Ísetning annarra varahluta en þeirra sem viðurkenndir eru af Toyota. 
6. Breytingar eða fikt, þ.m.t. ísetning aukahluta sem eru ekki viðurkenndir af Toyota. 
7. Skortur á réttu viðhaldi, þ.m.t notkun annarra vökva en þeirra sem tilgreindir eru í eigandahandbókinni, sjá þína Toyota síðu