1. Upplysingar
  2. Toyota relax

TOYOTA RELAX

ÁHYGGJULAUS Í ALLT AÐ 10 ÁR

Kynntu þér Toyota Relax

Frá 1. júlí 2021 býður Toyota á Íslandi eigendum Toyota bifreiða sem fluttar eru inn af Toyota á Íslandi upp á þann kost að framlengja ábyrgðina á viðkomandi bifreiðum um 12 mánuði / 15.000 km (20.000 km í tilviki Proace) í senn – hvort sem fyrr kemur – eftir að 5 ára eða 7 ára ábyrgð frá innflutningsaðilanum er útrunnin eða í þann mund að renna út.  Það eina sem eigandi bifreiðarinnar þarf að gera er að koma með hana í þjónustuskoðun hjá viðurkenndum þjónustuaðila Toyota á Íslandi.

Toyota Relax er í boði þar til Toyota bifreið hefur náð 10 ára aldri eða verið keyrð 200.000 km eða meira – hvort sem fyrr kemur.

Listi yfir viðurkennda þjónustuaðila Toyota á Íslandi

Er bíllinn þinn gjaldgengur í Toyota Relax?

Eftirfarandi þættir þurfa að vera til staðar til þess að Toyota bíll geti notið Toyota Relax 12 mánaða / 15.000 km (20.000 km í tilviki Proace) ábyrgðar:

  • Bíllinn er innfluttur af Toyota á Íslandi
  • Bíllinn kemur í þjónustuskoðun til viðurkennds þjónustuaðila Toyota á Íslandi. Vert er að hafa í huga að verð fyrir þjónustuskoðun getur verið mismunandi á milli viðurkenndra þjónustuaðila.
  • A.m.k. 48 mánuðir eru liðnir af 5 ára ábyrgð og 72 mánuðir af 7 ára ábyrgð Toyota á Íslandi.
  • Bíllinn er keyrður minna en 200.000 kílómetra.
  • Bíllinn er yngri en 10 ára.

Ábyrgðarskilmálar Toyota Relax

Toyota Relax ábyrgðarskilmálar eru hinir sömu og fyrir ár 4-7 af 7 ára ábyrgð Toyota á Íslandi. Vert er að benda á að þeir hlutir sem gert er athugasemd við í þjónustuskoðun og eru EKKI lagaðir falla utan við Toyota Relax ábyrgð.

Ef um er að ræða bíla þar sem talsverður tími er liðinn síðan 5 ára, 7 ára eða RELAX ábyrgð rann sitt skeið og þjónustu hefur ekki verið sinnt samkvæmt leiðbeiningum framleiðanda geta komið upp tilvik þar sem ábyrgðarviðgerðir á fyrstu 30 dögum frá virkjun RELAX eru ekki samþykktar.

Smelltu hér að neðan til að kynna þér betur ábyrgðarskilmála Toyota Relax.
Ábyrgðarskilmálar Toyota Relax Opens in new window

Gildistími Toyota Relax

Viðbótarábyrgðin sem fæst með Toyota Relax gildir í 12 mánuði frá og með þeim degi sem þú mætir með bílinn í þjónustuskoðun hjá viðurkenndum þjónustuaðila Toyota á Íslandi eða í 15.000 km (20.000 km í tilviki Proace) – hvort sem fyrr kemur.

Bóka þjónustu Bóka þjónustu

Næstu skref

Bóka reynsluakstur Sölu- og þjónustuaðilar Hafðu samband