Nýjungar

Nýi Toyota Avensis: Öruggasti bíllinn í sínum flokki samkvæmt Euro NCAP

Euro NCAP kynnti nýlega enn strangari kröfur. Toyota Avensis 2003 stóðst þá áskorun og flaug í gegnum prófin með hæstu einkunn. Avensis er fyrsti bíllinn sem gengst undir árekstrarprófanir samkvæmt nýju kröfunum og hlaut einstaka öryggisviðurkenningu: Fimm stjörnur af fimm mögulegum. Avensis fékk meteinkunn, 34 stig, og er þar með opinberlega öruggasti bíllinn í Evrópu.

Hvað er Euro NCAP?

Euro NCAP (European New Car Assessment Programme) er óháð rannsóknarstofnun um öryggi nýrra bíla í Evrópu. Mikilvægt er fyrir bifreiðakaupendur að fá áreiðanlegar og hlutlausar upplýsingar um öryggi mismunandi bifreiðategunda, en það er einmitt hlutverk Euro NCAP. Euro NCAP nýtur stuðnings fimm Evrópuríkja, framkvæmdastjórnar Evrópusambandsins, félaga bifreiðaeigenda og neytendasamtaka um gervalla Evrópu.
http://www.euroncap.com

Nýjar og öflugar árekstrarprófanir

Í nýju árekstrarprófununum notast Euro NCAP við ótrúlega næmar brúður sem skrá áhrif árekstra á nákvæmari hátt en áður. Brúðurnar kosta hver um 14 milljónir króna og eru fylltar hátæknibúnaði. Þær eru sérstaklega hannaðar til að meta þá vernd sem ökumaður og farþegar fá við framanákeyrslu og hliðarárekstur.

Gæðum fylgir öryggi

Það þarf ekki að koma á óvart að Toyota Avensis 2003 flaug í gegnum prófin með glæsilegum árangri. Toyota hefur alltaf sett öryggið í fyrsta sæti og hugmyndafræði fyrirtækisins um „yfirburðagæði með verkfræðivinnu“ hefur tryggt að Avensis nær nýjum hæðum í öryggiskröfum. Frá fyrstu hönnun og þróunarvinnu fá bæði árekstraröryggi og akstursöryggi algjöran forgang.

Fremst í akstursöryggi

Akstursöryggi er fullkomin tækni sem aðstoðar ökumann við að halda stjórn á bílnum við allar aðstæður. Nýi Avensis er með nýjustu kynslóð ABS-hemlakerfis og rafstýrða hemlunardreifingu (EBD) sem staðalbúnað í öllum gerðum. Hemlunarhjálp (BA) vinnur með ABS- og EBD-kerfunum til að veita aukið hemlunarafl ef til nauðhemlunar kemur. Stöðugleikastýring (VSC) og spólvörn (TRC) eru einnig fáanlegar til að auka öryggi þegar veggrip er lítið, s.s. í rigningu, snjó eða lausamöl. Það liggur við að ekki þurfi að stjórna Avensis 2003.

Fremst í árekstraröryggi

Árekstraröryggi felur í sér öll þau atriði sem veita ökumanni og farþegum vernd ef slys verður. Yfirbygging Toyota Yaris er einkar sterkbyggð og farþegarýmið sérlega höggþolið (MICS-kerfi Toyota),
en íhlutir þess eru hannaðir með það fyrir augum að þeir dragi í sig og dreifi höggþunga til að farþegarýmið aflagist eins lítið og kostur er.

Í bílnum eru níu loftpúðar, þar á meðal glænýr 18 lítra SRS-loftpúði fyrir hné ökumanns og tveggja stiga loftpúðar á báðum framsætum. Loftpúðar í hliðum og loftpúðatjöld verja farþega í fram- og aftursætum. Í Avensis er einnig nýstárlegt tveggja stiga áminningarkerfi fyrir öryggisbelti. Bæði hemlafótstig og kúpling falla saman komi til árekstrar að framanverðu. Nýi Toyota Avensis er fremstur á meðal jafningja hvað árekstraröryggi varðar.

Öryggi barna

Fyrir frekara öryggi eru ISOFIX-festingar í aftursætum staðalbúnaður í öllum útfærslum nýja Avensis. CRS-kerfið fyrir barnabílstóla er með tjóðri sem hindrar að sæti detti fram á við komi til árekstrar.

Fimm stjörnu öryggi

Áhersla Toyota á smáatriði, fjárfestingar í nýjustu tækni og vilji til að skara framúr hafa alltaf sett Toyota á efsta stall þegar öryggi er annars vegar. Hæsta einkunn hjá Euro NCAP er staðfesting á að Toyota stefnir í rétta átt og viðurkenning á því að nýi Toyota Avensis er öruggasti bíllinn í sínum flokki.