Nýtt í RAV4, stefnuljósin eru nú felld inn í hliðarspeglana fyrir aukið umferðaröryggi.
RAV4 kemur með eftirtektarverðum 5 arma, 17" álfelgum.
Hvort sem keyrt er í bæ eða um sveit þá veita kraftmikil þokuljósin hámarks sýn á jafnvel hinum dimmustu dögum.
Stílhreint krómað grill er staðalbúnaður og undirstrikar aflið undir vélarhlífinni.
Þegar flytja þarf stóra hluti ryður Easy Flat kerfi Toyota hindrunum úr vegi. Hægt er að fá sléttan og stóran gólfflöt í farangursrýminu. Ekki þarf að fjarlægja sætis- eða höfuðpúða. Þú tekur einfaldlega í handfangið (sem nálgast má frá afturhleranum) og stækkar þannig geymsluplássið með einu handtaki. Það gerist ekki öllu einfaldara.
Hliðarrúður að aftan og afturrúðan eru skyggðar - þannig getur þú fengið næði en samt notið útsýnisins.
Multidrive S sjálfskiptingin er glænýr valkostur í RAV4. Hún notar CVT-gírskiptingu (Continuously Variable Transmission) með stillanlegum trissum í stað hefðbundinna tanna. Multidrive S sjálfskiptingin fylgist með hraða bílsins og notkun eldsneytisgjafar og bremsu og reiknar út fyrirætlanir þínar svo að viðbragð bílsins verður með mjúkum hætti þegar gefið er í eða dregið úr hraða. Með skiptingunni fæst nær hljóðlaus virkni og eldsneytisnýting eins og hún gerist best. <br /> Nákvæm og skjót skipting er engu að síður í þínum höndum með sjö gíra beinskiptingu sem hægt er að stjórna með gírstönginni eða gírskiptirofum á stýrinu. Gírskiptirofana er einnig hægt að nota þegar sjálfskiptingin er stillt á D, ef óskað er tímabundið eftir auknu afli. <br /><br /> * Aðeins í boði fyrir 2,0 lítra Valvematic vélina
Möguleikar hljóðkerfisins munu hljóma vel. Allar gerðir eru með 6 hátalara, geislaspilara, útvarp og MP3 samhæft hljóðkerfi. Fyrir lengri ferðir er einnig í boði í RAV4 sex diska geislaspilari <br />
Hanskahólfið* er opnað með því einfaldlega að ýta á hnapp og efra hólfið nýtist sem kælibox sem heldur drykkjum lengur köldum á heitum sumardögum. <br /><br /> * Litur á innréttingu fer eftir gerð og völdu áklæði.
Á langferðum er tilvalið að virkja hraðastillinn - slaka á og njóta akstursins meðan mjúk, hagkvæm og snjöll vélin heldur jöfnum hraða alla leið. <br />
Regnskynjari setur rúðuþurrkur í gang á viðeigandi hraða um leið og byrjar að rigna og birtuskynjari kveikir sjálfkrafa á aðalljósum þegar þörf krefur. <br /><br />
RAV4 er vel búinn fyrir akstur í myrkri með baksýnisspegil með glýjuvörn sem dregur úr glampanum af aðalljósum bílanna á eftir þér með því að skyggja yfirborð spegilsins. Á RAV4 X býður baksýnisspegillinn einnig upp á annan möguleika: Þegar sett er í bakkgír birtist mynd frá myndavél að aftan á 2,4 tommu TFT-skjá í speglinum sem sýnir þér betur hvað er aftan við bílinn þegar þú bakkar* <br /><br /> * Hafðu samband við söluaðila fyrir nánari upplýsingar.
Kveikt er á handfrjálsa búnaðinum með hringihnappi á stýrinu. Bluetooth® kerfinu fylgir einnig raddstýring, 1000 númera símaskrá (hægt er að flytja símanúmer úr minni farsímans), hraðval, listi yfir tíu síðustu númer sem hringt var í og úr ásamt gagnabanka með upplýsingum um nytsamlega þjónustu.
Glæsilegir þrískiptir Optitron mælar eru hannaðir til að minnka álag á augum við akstur.
<p> </p>
Stýrið í RAV4 hefur vandaða leðurklæðningu. Gírskiptiflipar í stýri eru staðalbúnaður þegar 2,0 lítra Valvematic vélin með Multidrive S* sjálfskiptingunni er valin. Tilfinningin um handvirka, nákvæma og snögga skiptingu er alveg við fingurgóma - með raðskiptingu stjórnað annaðhvort með gírstönginni eða skiptiflipunum við stýrið. <br />
Sjálfvirk tveggja svæða loftkæling heldur kjörhitastigi fyrir ökumann og farþega - og eykur þannig þægindin allt ferðalagið.
<p>Með Toyota Optimal Drive höfum við minnkað CO2 útblástur umtalsvert án þess að það komi niður á akstursánægjunni. Í raun er útblástur véla með þessarri þróuðu tækni minnstur í hverjum flokki fyrir sig og vélarnar bjóða framúrskarandi eldsneytissparnað. Á sama tíma er afl og tog aukið fyrir framúrskarandi afköst.</p>
Yfirstýring getur valdið því að afturhlutinn sveiflist til. Til að koma í veg fyrir það er RAV4 búinn Integrated Active Drive kerfi sem dreifir auknu drifafli til framhjólanna, veitir stýrisátak til að halda bílnum stöðugum og bætir við inngjöf.
Til að vinna gegn undirstýringu, sem veldur því að framhjólin skrika til, færir Integrated Active Drive kerfið meiri togkraft til afturhjólanna, veitir stýrisátak til að ökumaður haldi stjórn og bætir inngjöf.
Spólvörnin hemlar og dregur úr togi við aðstæður þar sem hjólin missa grip á veginum eða byrja að spóla og endurheimtir gripið með því að skipta aflinu sjálfstætt á milli hjólanna.
Við kynnum RAV4 2.2 D-CAT 150, framúrskarandi vél sem búin er dísiltækni Toyota (D-CAT = Diesel Clean Advanced Technology) og nýrri sex þrepa sjálfskiptingu með gírskiptirofum. Ný kynslóð þrýstispíssa og hærri „common rail“ þrýstingur gera vélina ótrúlega sparneytna, forþjappa með breytilegu loftflæði og millikæli skilar miklu togi á litlum hraða og D-CAT-tæknin er búin DPNR-kerfi sem dregur úr sótögnum og köfnunarefnisoxíði í útblæstri. Þökk sé snjallri sex þrepa sjálfskiptingu eru afköstin mikil en um leið án hávaða. Eldsneytisnotkun er lítil (7,2 lítrar/100 km*) og magn koltvísýrings í útblæstri er aðeins 189 g/km*. Þetta er besti árangur á meðal bíla í þessum flokki. <br /><br /> * Blandaður akstur.
Bensínvélin sem býðst í RAV4 er spræk 2,0 lítra Valvematic-vél sem skilar 158 hestöflum, skjótri og stiglausri hröðun og einstakri eldsneytisnýtingu. Hún er búin Toyota Optimal Drive líkt og aðrar vélar í RAV4. Í bensínvélinni er einnig að finna Valvematic-tæknina, nýja ventlatækni sem vinnur ásamt Dual VVT-i tækninni við að stjórna lyftu og tímastillingu sogventlanna á öllu vélarsviðinu. Sex gíra beinskiptingin er viðbragðsskjót, skilar ánægjulegum afköstum, með hámarkshraðann 185 km/ klst.* og nær hundraðinu á 10,5 sekúndum. Engu að síður er eldsneytisnotkun aðeins 7,6 lítrar/100 km**. <br /><br /> Multidrive S sjálfskiptingin er glænýr valkostur. Multidrive S sjálfskiptingin notar CVT-gírskiptingu (Continuously Variable Transmission) með stillanlegum trissum í stað hefðbundinna tanna. Multidrive S sjálfskiptingin fylgist með hraða bílsins og notkun eldsneytisgjafar og bremsu og reiknar út fyrirætlanir þínar svo að viðbragð bílsins verður með mjúkum hætti þegar gefið er í (0-100 km á 11 sekúndum) eða dregið úr hraða. Með skiptingunni fæst nær hljóðlaus virkni og eldsneytisnýting eins og hún gerist best (7,5 lítrar/100 km**). <br /><br /> * Blandaður akstur. <br /> ** Samkvæmt prófunum í lokuðum hring.
<p>RAV4 fékk fjórar stjörnur í árekstrarprófunum Euro NCAP fyrir fullorðna með 32 stig í einkunn. RAV4 fékk einnig fjórar stjörnur fyrir öryggi barna og þrjár stjörnur fyrir öryggi gangandi vegfarenda. Stjörnurnar fjórar frá Euro NCAP eru enn ein viðurkenningin á hönnun, tækni og smíði Toyota RAV4.</p>
Integrated Active Drive kerfið tengir saman stöðugleikastýringuna, EPS-kerfið og fjórhjólakerfið og nýtir kosti allra þriggja kerfa til að auka öryggi. Kerfið fylgist einnig með ástandi vega og bregst fljótt við vandamálum sem gætu komið upp og gerir nauðsynlegar ráðstafanir í tíma.
Í RAV4 eru sjö loftpúðar, meðal annars tveggja þrepa loftpúðar frammi í, hliðarloftpúðar, loftpúðaggardínur og hnéloftpúði fyrir ökumann. Einnig er rofi farþegamegin til að gera loftpúðann þar óvirkan þegar barnabílstól er komið fyrir.
<p>HAC-kerfi (Hill start Assist Control) er staðalbúnaður í RAV4. Það auðveldar ökumanni að taka af stað í miklum halla án þess að bíllinn renni aftur. DAC-kerfið (Downhill Assist Control) grípur inn í þegar keyrt er niður brattar brekkur með því að hemla og losa einstaka hjól. DAC fylgir með sjálfskiptingu.</p>
LED-afturljósin bregðast skjótar við þegar þú stígur á bremsuna. Þetta gefur næsta bíl á eftir um sex metra hemlunarvegalengd ef ekið er á 100 km/klst. Sá munur getur skipt sköpum.
Í framsætum er vörn gegn hálshnykk með virkum höfuðpúðum. Hún dregur úr höggi á háls við aftanákeyrslu.
Með RAV4 kom fyrsti fjórhjóladrifni innanbæjarbíllinn á sjónarsviðið og nú heldur frumkvöðlastarfið áfram. Nýr stíll, nýr búnaður. Nýjar bensín- og dísilvélar með Toyota Optimal Drive fela í sér samspil þriggja þátta: meira afls, betri eldsneytisnýtingar og minni mengunar í útblæstri. Þetta vinnur ásamt Integrated Active Drive kerfinu og gerir aksturinn mjúkan og skemmtilegan.
