Toyota með fimm bíla á topp tíu á síðasta ári

9.026 nýjar fólksbifreiðar voru skráðar á síðasta ári samkvæmt upplýsingum frá Umferðarstofu. Þar af voru 2.311 frá Toyota eða 25,6%.

1.234 nýjar sendibifreiðar voru skráðar á síðasta ári. Þar er Toyota Hilux í fyrsta sæti, en 181 bifreið var skráð á síðasta ári. Hlutdeild Toyota í þessum flokki er 23,9%

Þetta er 19. árið í röð sem Toyota er mest seldi bíllinn á Íslandi og hefur Toyota á Íslandi fengið viðurkenningu frá Toyota Motor Corporation fyrir að selja flestar fólks- og sendibifreiðar á síðasta ári, sem og flestar bifreiðar samanlagt. Er þetta þriðja árið í röð sem Toyota á Íslandi fær þessa viðurkenningu.

75 nýjar Lexus bifreiðar voru skráðar árið 2008, en Lexus er í eigu Toyota og eru Lexusbifreiðar fluttar inn af Toyota á Íslandi. Samanlagt eru nú um 50.000 Toyota- og Lexusbifreiðar í notkun á Íslandi. Þar af eru um 1.000 Lexusbifreiðar.

Ekki er búist við jafn mikilli bílasölu á þessu ári og 2008, en þó hefur sala á Toyota bílum verið nokkuð lífleg á fyrstu dögum ársins. 23 fólksbílar hafa selst í janúar og þar af eru 11 frá Toyota.

15 vinsælustu fólksbílarnir árið 2008: