Nýjar CO2 reglur um bifreiða- og vörugjöld

Fólksbílar og jeppar

Frá 1. janúar 2010 gilda ný lög um bifreiða- og vörugjöld. Í stað þess að miða gjöldin við vélarstærð eru gjöldin ákveðin eftir magni koltvísýrings ( CO2 ) í útblæstri bílsins á hvern ekinn kílómetra.

Vörugjöld

Við álagningu vörugjalda er bifreiðum skipt í 10 flokka eftir magni CO2 í útblæstri.

Þessi tafla gildir fyrir árið 2011. Gert er ráð fyrir að hún breytist 2012.

Lægri vörugjöld eru lögð á ýmsar bifreiðar sem notaðar eru í atvinnustarfsemi t.d. sendiferðabifreiðar.

Bifreiðagjöld

Útreikningar bifreiðagjalda breyttust nú um áramótin vegna nýrrar lagasetningar um að vörugjöld bifreiða fari eftir magni CO2 í útblæstri. Samhliða þessari breytingu þá eru bifreiðagjöld nú einnig reiknuð útfrá CO2 gildi bílsins eða eftir því hversu mikið / lítið bíll mengar.

Bílar sem hafa CO2 gildi 121 gr/km eða lægra greiða 5.000 kr. (Upphæð greiðist 2x á ári)
Dæmi:

• Prius - CO2 - 92 gr/km greiðir 5.000 kr.
• Aygo - CO2 = 106 gr/km greiðir 5.000 kr.
• Yaris – CO2 = 119 gr/km greiðir 5.000 kr.

Greiða skal 120 kr. fyrir hvert gr. umfram 121 gr/km þannig að ef bíll er með CO2 gildi 122 gr/km þá þarf hann að greiða 5.120 kr.

Bifreið sem er með CO2 gildi 157 gr/km reiknast út með eftirfarandi hætti:

• *Greiðir alltaf 5.000 fyrir fyrstu 121 gr. síðan:
• 157 – 121 = 36 gr
• 36 * 120 kr = 4.320
• 4.320 + 5.000* = 9.320 kr. (Þessi upphæð greiðist 2x á ári)

Sé bifreið ekki með skráð CO2 gildi þá skal notast við ákveðna reiknireglu sem miðast við eigin þyngd bifreiðarinnar. (Formúlan er eftirfarandi: Eigin þyngd x 0,12 + 50 = reiknað CO2 gildi) Alltaf greiðist 5.000 kr. fyrir fyrstu 121 gr.
Dæmi:

• Eigin þyngd bifreiðar = 1.400 kg
• 1.400 x 0,12 + 50 = 218 (reiknað CO2 gildi)
• 218 – 121 = 97 gr
• 97 * 120 kr = 11.640 kr
• 11.640 + 5.000* = 16.640 kr. (Þessi upphæð greiðis 2x á ári)
  

CO2 gildi og eigin þyngd bifreiðar er að finna í skráningarskírteini hvers bíls. Sjá neðst hér á síðunni hvar það er að finna.

** Hér hægra megin á síðunni er bæði tafla þar sem finna má útreiknað bifreiðagjald fyrir CO2 gildi umfram 121 gr/km, og einnig excel skjal sem reiknar út bifreiðagjöld miðað við uppgefið CO2 gildi eða útfrá eigin þyngd bifreiðar.

Umferðarstofa bætir við reikninginn 350 kr. sem er úrvinnslugjald